Catholic Community in Wausau, Wisconsin

Kev Sib Coj

• Zwm rau lub Tsev Teev Ntuj: ?
• Tus Txiv Plig: Rev. Steven Brite
• Tsob Hwb: Tsis Mauj
• Xib Hwb: Nkaj Xwm Thoj
• Tus Coj: Vam Ntaub Vaj
• Muaj Pes Tsawg Yim: 82

Nyob zoo txog ib tsoom ntseeg Hmoob Kav Tos Liv txhua tus thiab txhua yim.
Cov lus no yog sau tawm tuaj hauv pawg ntseeg Hmoob Kav Tos Liv nyob nroog Wausau xeev Wisconsin. Zoo siab thiab ua tsaug uas koj tab tom los nyeem peb cov lus sau hung no. Peb zoo siab tias txij hnub mus rau yav pem suab peb yuav muaj kev sib nug mus mus los los yooj yim vim peb muaj lub website no los ua qhov chaw rau peb sib nug moo lawm. Kuv xav muab plaub lo lus no tham qhia rau sawv daws raws li nram no:

1). Pawg ntseeg hauv Wausau

• Muaj ua thaj teev ntuj hais ua lub Hmoob txhua hnub chiv
• Muaj ob tug Txiv Plig As Mes Lis Kas txawj hais lus Hmoob
• Cov coj lub txoos thiab cov ntseeg muaj kawm nkauj txhua hmo zwj Cag
• Muaj ib pab txiv tsev kawm tiav phab kev cai ib siab ob qig
• Muaj xov xwm (bulletin) sau ua lus Hmoob txhua hnub chiv
• Tsim thiab luam tau 100 phau nkauj teev ntuj
• Muaj 82 yig thiab 561 tus neeg

2). Xav kom cov thawj coj ntawm txhua lub zos thiab xeev muaj kev sib tham xov tooj raws li khoom es kom sawv daws sib hnov moo mus mus los los. Tawm mus tsham xyuas los yog sib koom thaj teev ntuj ua ke raws tej zej zog uas nyob sib ze.

3). Yog muaj kev ua noj ua haus loj thiab kev ib siab ob qig xav kom peb sib pab sib koom tes kom zoo dua qub. Kuv pom peb tsev neeg ntseeg Kav Tos Lis tseem tu ncua txoj kev pab kev koom tes no heev. Yog muaj ib tug neeg nyob puv 120 xyoo cov xib hwb los sis cov thawj coj yuav tsum muaj caij (schedule) los teev ntuj, hu nkauj, thiab hais lus txhawb dag txhawb zog rau tsev neeg tau txais kev txom nyem. Huab Tais Yes Xus tau qhia rau noob neej kom sawv daws ua lub neej sib yiam, sib hlub, sib pab thiab sib nres nyob hauv txoj kev ntseeg tab sis peb tsuas hais lo lus xwb peb tsis tau ua.

4). Cov thawj coj thiab cov xib hwb yuav tau xyaum siv kev leadership role los lead (coj) tsoom ntseeg mus rau txoj kev vam meej thiab kev thaj yeeb. Peb yuav tau xyaum hais lus zoo ntau li ntau tau tsis txhob npau taws sai thiab chiv sai rau tej lus los sis tej hauj lwm. Nco ntsoo tias txoj hauj lwm peb ua yog ua rau Huab Tais Ntuj thiab ua rau tsoom ntseeg raws li txoj kev ntseeg ntuj. Tsis txhob lam ua rau lwm tus muaj kev tu siab yog thaum luag muaj kev tu siab lawm ces luag tsis pab yus ces yus tau kev tws.

Yog peb sawv daws xyaum tau thiab ua tau raws li cov lus hais los saum no mas peb txoj kev sib raug zoo, kev phooj ywg, kev ntseeg, kev sib haum xeeb, kev sib hwm, kev sib koom tes, thiab kev sib hlub yuav loj hlob zoo zuj zus rau peb tsoom ntseeg. Thov Huab Tais Ntuj coj peb txoj hau kev mus cuag lub neej kaj siab lug thiab txoj sia nyob mus li.

Pawg Ntseeg Nroog Wausau Wisconsin

Leej Thij Fij Som Phiaj Lij Tim 7 Xyoo 2006

Yog xav paub meej tshaj thiab xav xa moo rau pawg ntseeg, xa xov tau rau: Vam Ntaub Vaj